حوار بين طفل تونسي وأبوه سنة 2022
الطفل : بابا .. بابا ... اليوم قرينا على ثورة صارت في ...تونس عام 2011
اﻷب (بكل فخر ) : إي إي نتفكرها ماﻻ ﻻ ... شاركت فيها .. أيام ماتتنساش الناس الكل يد وحدة وكلمة وحدة
Degage" بن علي "
باعد الناس الكل كلمة وحدة
RCD degage
وأيامات العسة المعلم والطبيب والكلوشار الكل نعسو مع بعضنا !!..
.الطفل (مستغرب ) : RCD degage !!!
ماﻻ شكونهم الي يحكمو فينا توا ... ؟؟
اﻷب : تي ماو .. تي .. تي ماو .. ميزلت صغير إنت .. ميزلت صغير .. ماتفهمش .. الله غالب منجمناش نكملو
الثورة ... أما راو معذورين تلهينا في الجهويات و العلمانية وزيد عامتها الصيف جا سخون
الطفل (بكل براءة ) : ومصر ماجاهمش سخون الصيف عامتها ؟؟
اﻷب : ياخي شبيك شديت في التاريخ إنت .. برا راجع الحساب خيرلك برا وأقعد عاقل تو نهز نحوس بيك في
مقبرة بورقيبة
الطفل : ﻻ ﻻ هزني لمقبرة السبسي أزين و أكبر